Að finna rétta skautakjólinn

Það er gott að nota sumarið í að velja skautakjól fyrir næsta keppnistímabil. Á vorin og síðsumars er tíminn oftast notaður til að búa til ný prógrömm fyrir veturinn.  Til að lenda ekki í því að vera á síðustu stundu og hafa ekki tíma til að kaupa kjólinn sem ykkur langar mest í, er gott að byrja í tíma að skoða hvað er í boði. 

Við hjá Pollýönnu tökum alltaf inn nýja skautakjóla á haustinn og oftast eitthvað yfir veturinn. Til að hver skautari fá að njóta sín og allir fái að vera einstakir pöntum við oftast bara hvern kjól í einni stærð.  Það getur orðið til þess að einmitt kjóllinn sem ykkur langar mest í er ekki endilega til í réttu númeri.  Til að hjálpa ykkur við að velja kjólinn í tíma og að geta fengið hann í ykkar númeri þá ætlum við að bjóða upp á að þið getið pantað  hann fyrirfram og við pöntum hann svo með kjólunum í haust áður en keppnirnar byrja.  Veitur er 15% afsláttur af kjólum sem eru sérpantaðir. 

Panta þarf sérsaumuðu kjólanna með um allt að 4-5 vikna fyrirvara að utan. 

Til að byrja með getið þið skoðað alla kjólanna hjá Jerry Skating, en þar er að finna mjög vandaða kjóla sem við höfum selt hjá okkur í mörg ár.  Þeir bjóða upp á kjóla sem henta vel fyrir byrjendur og lengra komna á öllum aldri.  Núna eru þeir líka farnir að bjóða upp á kjóla sem eru sérsaumaðir við pöntun, það er liggja ekki með þá endilega á lager og hægt er að velja um að fá þá með eða án steinum.  Steinarnir eru alltaf dýrir eins er hægt að fá þá misdýra ef maður vill sjálfur steina kjólanna.  En þá er þá hægt að kaupa  og steina eftir eigin höfði ef maður treystir sér í það verk.  

Við munum síðar bæta við fleiri kjólum sem hægt verður að sérpanta þegar nær dregur haustinu. Ef einhverjar spurning þá ekki hika við að hafa samband við okkur í síma 419-3535 eða í tölvupósti pollyanna@pollyanna.is

Hvað þarf að hafa í huga þegar kjóll er valinn? 

Fyrsta lagi þarf að passa að hann passi vel og velja rétta stærð út frá stærðartöflu, ekki er hægt að treysta á að aldursstærðin segi til um rétta stærð því oft eru stelpurnar að taka kjóla í stærðinni fyrir ofan sem Jerry gefur upp í aldri, þe. stelpa sem er 8 ára er oft að taka 10-12 ára í stærð.  Mælum samt alltaf með að mæla og bera saman við stærðartöfluna hjá þeim eða kom við hjá okkur og máta kjóla til að sjá stærðirnar. Það gefur oft hugmyndir um hvaða stærð hentar best. Oftast eru kjólar notaðir í 1-2 vetur það er meðan skautað er með sama prógram og því gott að leyfa kjólnum að vera aðeins rúmum svo pláss sé til að stækka aðeins. 

Í öðru lagi er gott að spá aðeins í hvernig kjóll passar best við tónlistina í prógramminu, það er litur og stíll.  Prógrömm t.d. með spænskri tónlist kallar á kjól sem hefur spænskt yfirbragð,  Prinsessu lög kalla á kjóla sem kalla fram prinsessuna í skautaranum osfrv.  Gott að skoða t.d. inn á Youtube keppnir og sjá kjólanna þar. 

Það eru ekki margar né stífar reglur um kjóla settar af dómurum, nema passa að þeir sýni ekki of mikið í bert hold og að síddinn á pilsunum sé  rétt, það er kjóll fyrir frjáls prógröm en ekki skautadans, sem eru síðari.  Eins er gott að ráðfæra sig við þjálfara sé maður ekki alveg viss um hvernig kjól er gott að velja. Þeir hafa sumir skoðanir á því og geta mælt með kjólum sem hentar tónlistinni. 

 

Hér er hægt að skoða kjóla fyrir unglinga og fullorðina

Hér eru kjóla fyrir yngri skautara

Hér eru sérsaumaðir kjólar án steina

Hér eru kjólar með steinum